نطق الجنين بحق أبا الفضل العباس عليه السلام

نطق الجنين بحق أبا الفضل العباس عليه السلام

بِسم اللّه الرَحمَنِ الرَحيِم

اللَهّمَ صَلِ عَلَى مُحَمَدٍ وَ آلِ مُحَمَد وَ عَجِل فَرَجَهُم وَ العَن أعدائَهُم إِلى قِيامِ يَومِ الدِين

بنت تزوجت بالفرات الاوسط بالعراق أخذها رجل غريب صارت القسمة تزوجها ..لما تزوجها يومين ثلاثة أربعة صار بينه وبينها مشلكة طردها لبيت أهلها .. بقيت بحدود خمسة اشهر زعلانه , احنه عدنا بالعراق الزعلان يودوا له سيد يودوا له شيخ يودوا له حجي يودوا له شريف يراضيهم .. مره ورجال .. هاي حدود خمس اشهر ماودا عليها أحد .. ذاك اليوم هيه بالزرع بالنهر وجاها زوجها الحقيقي هو زوجها .. سلم عليها وردت عليه السلام .. بجت قلّت له إنته كتلتني طردتني اي ليش ماتوديني واحد يرضيني حتى ارجع لبيتي .. إذا ماترديني ليش تزوجتني .." البنت عفيفه " قلها من أبوج أخاف أبوج مايرجعج إليه .. قلّت له انته ماوديت احد حتى أبويه يردك إلى الآن خمسة اشهر صار لك مطردني .. قلها اليوم العصر أرجعج إلى البيت بس اودي احد لابوج حتى نتراضى " تعرف شرعاً زوجته هيّه "..أخذ يلاطفها اخذ يتمازح معها المرأه صدقت طلب نفسها أن يواقعها في هذا المكان .. قلت له الزوجه زوجتك شرعاً لكن الآن لو احملت من عندك وانته تاركني خمسة اشهر أهلي راح يذبحوني .. قلها الآن اليوم أرجعج قلّت له أريد كفيل وظامن بيني وبينك قال اطلبي قالت أريد أبالفضل العباس عليه السلام كفيل بيني وبينك أن ترجعني " الحجاج بالقديم بالاربعينات بالخمسينات الرايحين للعراق يذكرون هاي القصة وحق العباس النطق الطفل ببطن امه يحلفون قَسم عدهم هذا اليمين " يقول واقعها فحملت من تلك الساعة راحت للبيت اغسلت سبحت حضرت روحها لزوجها يجي يرضيها أول يوم عاشر يوم عشرين يوم ماودى عليها .. تبين عنده مكيده عنده شيطنة يريد يفضح هذا البيت .. لكن وين راح العباس .. البنت عرفت روحها حامل من تلك الساعه عرفت روحها حملت .. إجت لأمها قلت لها ياوالده هاي القصة قلت لها انتي تكذبين انتي عملتي عمل باطل وهذا كذب لو كان صحيح كان قلتي لي من اول يوم .. شرد أقل لأبوكي ؟؟ بقيت يوم من الأيام بطنها تكبر وبدنها يضعف من الخوف .. الكنّات البلبيت الجناين .. سمعن هاي حامل خبرن الأزواج ..سبع اخوان عدها دقت القهوه ذيج الليلة بالمضيف إجو الاولاد الفناجين مقلوبة الدلّة مقلوبه الأبو ملثم بويه فلان وفلان تاخذون اختكم وتحفرون حفره وتطموها حتى العار مالنا ماحد يسمع بيه ترى أختكم حامل .. سمعت وحده من النسوان الكلام من المضيف .. إجت للبنيه قلّت لها جالسه قالت بلى .. قالت قومي سوي لج جارة راح تنكتلين الليلة انتي حامل ..وذولا يتهموج الحمل من حرام .. يقول شبّت روحها إجت ركضت للمضيف شافت خوانها جالسين أبوها جالس صرخت شالت راسها شال الأب راسه على بنته شتردين .. قالت :
قالت أجه رجلي بشرعه الغالي
من بعد هجرانه الي وهجراني
ماوافقت ادري بيه لن يذلاني
منه طلبت اعظم كفيل نطاني
عباس أبو فاضل وماينساني

اخذوه واخذوني لكفيلي العباس
حاضر الشدات .. حي فلا مات.. يكشف الكربات ..
حره وعفيفه وكل ذنب مابيه

رجعي بنتي .. ودوا ألى الابو مايريد يكتل بنته .. ودوا على زوجها دخل بالمضيف سلّم ماردوا عليه السلام " يطلبونه " قلوا له هاي بنتنا تقول الوليد الي ببطنها الحمل من عندك .. قال و الله لو شايف أختي شايف بنتكم ..أنكر بالمره .. قلوا له بكره لبو فاضل قال بكره لبو فاضل .. يروح حجي شريف يشهد مايرى .. بالصبح طلعت هالي البنت العفيفة وطلع زوجها .. قريب للفرات القرية مالتهم قريبة من كربلاء , يم الرميثة .. طلعت من البيت وهيه تبكي .. اذا أبو فاضل مايبيض وجهها راح تنذبح ..واذا يبيض وجهها راح يرتفع راسها .. وصل للعباس عليه السلام .. الحجاج الرايحين لكربلاء اذا واحد يريد يحلف تصير هلاهل يطشون ملبس هلاهل تصير هناك اذا لبو مراد ابو فاضل .. خطى ثلاث خطوات ومد يده على العباس وأقسم بهذا الدين واليمين .. هذا الطفل الي ببطن هاي المره مو إبني .. واذا بصرخه في بطن المره . الطفل صرخ ياناس ياعالم هذا ابويه هذا ابويه هذا ابويه ..
يقول رفعه من الأرض ضربه على الباب وقع ميتاً في مكانه .. قتله ..
ورجعت ووجهها أبيض وجنينها ببطنها ببركة ابا الفضل العباس ..

اللهم صلِّ على محمد وآل محمد
اللهم صلِّ على محمد وآل محمد
اللهم صلِّ على محمد وآل محمد

منقوله على لسان سماحة الشيخ أبو الحواتم الطائي ..

منقول

المصدر: منتديات انوار البتول

» ما هى أثار التدخين على صحة الجنين للمرأه المدخنه وما هى الأضرار التي ممكن أن يتعرض لها الجنين؟
» موعد تحرك الجنين معجزة علمية في القران الكريم
» قصه شمويل عليه السلام وفيها بدء امر داود عليه السلام
» السلام عليكم
» السلام عليكم