قصيده الغياب

موضوع: قصيده الغياب 25/04/11, 02:10 am

ياغايب عني لك الحب ماغاب *** مته تجي تشوف همي بعينك
ماطاب لي جرح ولا خاطري طاب *** مته يديني تحتضنها يدينك
ياصاحبي لو قالو الوقت كذاب *** يكفي كلامك ودافي حنينك
لو ان قصدي في الزمن كثر الاحباب *** ماقلت ياساكن الروح وينك

فدوة عيونك لو غدت روح مغليك *** وش عاد لو راحت لعينك عشاير
ابيع مايغلى على الكون واشريك *** واسوق لي جتني اعلومك بشاير
وازعل جميع الناس بالحيل وارضيك *** واصبر ولو دارت على الدواير

مايصير انساك لا مايصير *** في خفوقي لك محبه واحترام
قبلك الدنيا مثل حلم صغير *** وعقبك الدنيا غرام في غرام
انت مثل النور في عين الضرير*** لالمحتك مابقى حولي ظلام
فيك عمري فيك روحي والمصير ***فيك كل ايام عمري والسلام

كتبت انا في تالي الليل بيتين *** لعيون من يسوى جميع الخلايق
إلي معاهدني على الزين والشين *** وإلي بشوفة يصبح الفكر رايق
الصاحب إلي منزله داخل العين *** هو الخوي وقت السعه والضوايق

يفداك عمري يابعد عمر مغليك *** وتفداك روحي والعيون وسهرها
ابيع كل الناس يازبن واشريك *** والناس لأجلك مستعد اخسرها
امر وحنا ياهوى البال نرضيك *** يابسمة ايام العمر ياقمرها

تفضل ترى بالقلب دارك ومنزالك ** على ماتبي نفسي تجي وانت راعيها
ترفق بقلب صرت تلعب به لحالك ** يقول القصايد وانت بعده تغنيها
أحبك وأحب اسمك ورقمك وجوالك ** وأحب الديار اللي رجولك مشت فيها

ماكل عين تذرف الدمع بأحزان ** وماكل من يضحك يعيش بسعاده
كم واحد دمعه على الخد هتان ** من زود همه يذرف الدمع عاده
يحاول انه يبتسم قدر الامكان ** ويضحك ونار الحزن تحرق فؤاده

محتاجك بدنيا قست فيها قلوب البشر

محتاجك في وقت تعب مني الصبر

ياخوفي تغيب والوقت علي يمر

آآآه وياخوفي ماألقاك والدنيا بعدك ماتسر

حبيبي تعال تعال تعال تـــــــــعال لاتنسي قلب صانك ولا عمره غـــــدر.

» قصيده مازلتـــــــــــ
» قصيده من اجل عينيك
» قصيده الايام
» قصيده سامحيني
» قصيده راقت لي